LAOAG CITY – Inpablaak ni Vice Governor Cecilia Araneta Marcos ti panagsurot na ti executive order number 60-20 nga inpatungpal ni Gov Matthew Marcos Manotoc.
Daytoy ket babaen iti idadalan dagiti miembro ti Sangguniang Panlalawigan iti 14-day home quarantine gapu ti pangta ti coronavirus disease.
Basar iti statement a naiparuk-at, mainpud iti opisina ti bise gobernador, nakanselar ti maangay a regular session ita nga aldaw iti Sangguniang Panlalawigan.
Inlawlawag ni Marcos adda dagiti sumagmamano a bokal ti naggapu iti Metro Manila ken nabiit pay a nagawid da ditoy probinsya.
Innayon na a possible a maiwayat ti regular session intono Marso 30 ita a tawen.
