LAOAG CITY – Agdepende kadagiti miembro ti Social Security System (SSS) nga holder ti Generic UMID Card no kayat da nga i-upgrade iti UMID ATM Pay Cards.
Daytoy ti inbatad ni Mr. Christian Andrew Rillorta, ti Regional Communications Officer iti Social Security System Luzon North 1 Division.
Segun kenni Rillorta, ti kangrunaan a gagem iti ahensya iti daytoy ket ti panagmaymaysa ti card nga iggem dagiti mimebro.
Inlawlawag na a dagiti datin nga addaan ti Generic UMID Card ket makaawat ti email a nakailanadan no kayat dagitoy nga i-upgrade ti Card da no sadinno adda ti maited a link a makaipanan dagiti sumagmamano nga impormasyon.
Naamoan a kalpasan a maberipikar ket aguray aleng ti miembro iti sumagmamano nga aldaw wenno lawas sakbay a maited ti UMID ATM Pay Cards.
Maipalagip a nakipartner ti ahensya kadagiti nagduduma a bangko ditoy Pilipinas para iti implementasyon ti UMID ATM Pay Cards.
Ti UMID ATM Pay Cards ket maibilang a 2 in 1 no sadinno ket agserbi kas governement issued ID ken addaan pay ti ATM featured.
Maipalagip nga inbatad ti ahensya a Iti babaen ti UMID ATM Pay Cards, kuna ti Social Security System a magundawayan dagiti miembro ti bentahe a maaddaan ti disbursement account para ti benepisyo, loan proceeds, ken refunds.
Maipaayan ti access kadagiti nakipagpaset a bangko ti automated teller machine ken online agraman ti mobile platforms tapno maaddaan ti transaksion iti laksid nga addaan da pay ti valid government-issued ID.
