LAOAG CITY – Agsagsaganan dagiti migrant support groups iti pannakaipatungpal ti maysa kadagiti inkari ni President-elect Donald Trump a mass deportation.
Inbatad ni Immigration Attorney Camille Mackler, kaduana ti 80 legal service providers iti estado ti New York ti nakasagana tapno ilaban dagiti karebbengan dagiti immigrants a saan a nagbalin a prioridad nga ikkaten ti US Immigration and Customs Enforcement.
Manamnama a maaddaan ti naig-iget a drag net operations tapno mapaawid dagiti iligal a migrants.
Nakasagana metten dagiti sumagmamano a simbaan idiay New York City tapno ditoy ti pagturungan dagiti sumagmamano nga immigrants.
