LAOAG CITY – Inburay ni Mikee Quintos a kinomprontarna ni Sassa Gurl gapu iti linaon ti TikTok star iti isyu ti thesis-na sumagmamano a tawenen ti napalabas.
Iti “Fast Talk with Boy Abunda”, inadmitir ni Mikee a nakapungtot iti content creator gapu iti panangi-post-na iti video a mang-drama iti damag maipapan kenkuana.
Iti video, nakasuot ni Sassa Gurl iti tuwalya ken pipino kadagiti matana gapu ta awan kalikagumna nga aramiden ti thesis-na ta masapul pay laeng a mapan iti spa no sadinno a daytoy ti isu met laeng nga isyu ni Mikee idi.
Bayat ti panaginumna iti lugar ni Mikee idi prangka nga inadmitirna ken ni Sassa ti riknana.
Naglikudan ni Sassa daytoy idi un-una ket kinunana a dina malagip ti pagsasaritaan ni Mikee, ngem saan a nagbayag ket inadmitirna met laeng daytoy.
Karaman da Mikee ken Sassa kadagiti bituen ti pelikula a “Saving Cherry,” a top-billed ni Barbie Forteza.
Paset met ti cast da Khalil Ramos, Mika Salamanca, A. C. Bonifacio, Kokoy De Santos, ken Joey Marquez.
Iti panangderehe ni Ivan Andrew Payawal, ti “Saving Cherry” ket maipabuya kadagiti sinean inton Setiembre 2.
