LAOAG CITY – Saanen nga apektado ni Miles Ocampo no maaw-awagan isuna a nalukmeg wenno overweight.
Inbatadna nga awanen ti bibiangna kadagiti body shamer a mangkukwestionar ti timbangna gapu iti sakitna.
Iti agdama, nasayaaten ti health condition ni Miles no sadinno a nakissayanen ti maintenance medicine daytoy.
Naammoan a cancer-free pay isunan isu nga awanen ti nasken a pagdanaganna.
Kunana a kalikagumna nga agpokus laengen iti career-na.
Iti napalabas a tawen, inbutaktak ni Miles a dimmalan isuna iti operasion tapno ikkaten dagiti thyroid gland-na kalpasan a na-diagnose nga addaan ti Papillary Thyroid Carcinoma, ti masansan a klase ti thyroid cancer a no saan a maagasan ket mabalin nga agwaras iti dadduma a paset ti bagi ti maysa a tao.
