LAOAG CITY – Inpakammo ti grupo dagiti military officers a kontrolado dan ti Guinea-Bissau ken rumrumuar a natiliw ni President Umaro Sissoco Embaló.
Kalpasan laeng ti nangegan a pinnutok iti kabisera a Bissau, rimuar ti impormasyon a naibaloden ni Embaló.
Segun kadagiti military officers, sinuspenso da ti electoral process kabayatan nga iyur-uray ti kaadoan ti resulta ti naiyuswat a presidential election.
Inlawlawag dagitoy nga isuda ti manglapped iti plano ti maysa a saanen a nainaganan a pulitiko a plot nga addaan ti suporta iti mabigbigbig a drug baron para iti destabilisasyon ti gobierno, ken inrakurak da ti panaggrikep dagiti borders ken mangipatungpal ti night-time curfew.
Ti coup-prone country ket mabigbigbig pay gapo iti notorious drug-trafficking hub no sadinno ti military ket maibilang a maimpluwensya sipud independence manipud iti Portugal idi 1974.
Ummuna iti daytoy, agpada a dagiti naiget nga agkalaban a ni Embaló ken Fernando Dias ti nangibaga a nangabak da.
