LAOAG CITY – Inpasingked ni Col. Emmanuel Garcia, chief iti Public Affairs Office a nakasagana ti militar a mangipaay ti seguridad para iti mapaspasangasangan nga SK ken Barangay elections.
Iti eksklusibo nga interview ti Bombo Radyo, inbatad ni Garcia nga awan pay ti namonitor da a pangta iti eleksyon wenno ti preparasyon ti panagpipili.
Nupay kasta, inpasigurado na nga agtultuloy latta ti security measure nga ipatpatungpal da tapno maipasingked ti seguridad dagiti umili.
Kinumpirmaran ni Garcia a ti kangrunaan a tututukan da iti agdama ket ti naipagagangayen nga extortion activity dagiti kameng ti New People’s Army (NPA) ken ti possible a panagharass da kadagiti kandidato.
