LAOAG CITY – Na-overshoot ti maysa a dakkel a military aircraft ti US Navy iti runway ti Marine base ken nagderetso iti Kanoehe Bay idiay Hawaii.
Iti inisyal nga impormasyon a nakalap ni Bombo International News Correspondent Manny Pascua idiay Hawaii, ti P8-A aircraft ket nagkarga iti siyam nga indibidual ken naisalakan met dagitoy.
Segun kenni Pascua, mapaspasaran ti nasao nga estado ti panagarbis ken naulep a tangatang.
Nupay kasta, agpapan masisursurat ti damag ket awan pay ti detalye no anya ti rason ti panag-overshoot ti military plane.
Ti P-8A ket maus-usar para tapno ag-hunt iti submarines ken para iti reconnaissance ken intelligence gathering.
Kabayatanna, agtultuloy pay laeng ti imbestigasyon mainaig iti nasao nga insidente.
