LAOAG CITY – Inikkat ti military chief idiay Israel ti sumagmamano a senior military personnel ken nai-reprimand dagiti dadduma gapu iti nagbalin nga akem da iti pannakapaay da iti iraraot ti Hamas iti southern Israel mnaipod Gaza idi Oktubre 7, 2023.
Basar iti statement, karaman kadagiti naikkat iti pwesto a military personnel ket dagiti mangidaulo iti intelligence directorate, operations directorate, ken southern command, a responsable iti napasamak a panagatake iti Gaza.
Naamoan a dagiti generals ket immunan a nag-resign da iti pwesto ngem nagtalinaed da iti reserve duty.
Agpapan ita ket saan pay a linukatan ti gobierno ni Prime Minister Benjamin Netanyahu ti national inquiry iti October 7 attack.
Maipalagip nga idi laeng sabado ket rinibo a protesters ti nakipaset kadagiti opposition leaders idiay Tel Aviv iti panagpanawagan da iti inquiry ti state commission.
Ti October 7 attack babaen ti Hamas ken dadduma a Palestinian factions ket nakatayan ti agarop 1,200 a tattao idiay Israel ken 250 dagiti hostages.
