LAOAG CITY – Naragsak nga inbinglay ni Mrs. Helen Domingo, ti mangidadaulo iti Provincial Sports and Development Office nga adda ti maiyuswat a Milo Marathon ditoy probinsia.
Segun kenkuana, ti nasao nga aktibidad ket nagkinnammayetan ti Provincial Goverment of Ilocos Norte ken ti Nestle Global kas maysa a wagas tapno maitandudo ti healthy lifestyle babaen iti panagersisio.
Inbatadna a ti target a bilang dagiti makipaset ket walo ribu no sadino ket mabalinda laeng a mapan iti Dash Mash Store a masarakan iti Brgy. 9 ditoy siudad ti Laoag.
Inlawlawagna nga adda ti form a maited kadakuada ken ti registration fee no sadino 299 a pisos para kadagiti Milo Active Kids a tumaray ti maysa a kilometro, 3 kilometers Run Kids 399 a pisos, 5 kilometers Milo Champ Family 3 Runners ket 1,200 a pisos, 4 Runners ket 1599 a pisos, 5 Runners 2000 a pisos, 5 kilometers Run Kids ket 599 kilometers, 10 kilometers ket 1,399 kilometers ken 21 kilometers Half Marathon ket 1,499 kilometers.
Kunana a ti nasao nga aktibidad ket maisayangkat inton Abril 7 iti oras ti alas kuatro ti parbangon agingga alas otso ti bigat iti Ilocos Norte Centennial Arena ditoy siudad ti Laoag.
Innayonna nga iti agdama ket manarimaanen ti panangakseptardan kadagiti agparehistro isu a gutgutigutenna dagiti umili a makipaset iti nasao nga aktibidad.
