LAOAG CITY – Inpakaammo ni Mr. Vic Dabalos, mangidadaulo iti Department of Environemtn and Natural Resources ditoy probinsya, a manarimaan ti pannakaipila ti reklamo kontra iti agnagan ti Danilo Butac kalpasan a natiliw dagiti pahinante iti truck a nagkarga iti 100 sako ti pebbles.
Inbatad na a possible a maipila ti reklamo a Minerals Theft, panaglabsing iti Provincial Quarry ordinance, illegal a panagibiyahe, ken dadduma pay.
Kuna ni Dabalos a ni Butac ti nagpakarga kadagiti pebbles manipud iti ili ti Pasuquin.
Segun kenni Dabalos, maysa laeng ti adda iti permit na iti kallabes ket ti 7-colors ngem nakanselar ti permit daytoy ken dadduma pay.
Inlawlawag na nga uray adda ti stock a pebbles dagiti maseknan ket saan a mabalin nga adda ti rumwar gapu ta awanan da iti permit.
Kuna ni Dabalos a nakaimbentaryo dagiti pebbles nga stocks dagiti maseknan.
Innayon na a no adda ti rimwar a pebbles manipud kadagiti maseknan wenno iti ili ti Pasuquin ket maibilang daytoy nga iligal.
