LAOAG CITY – Naisayangkat ti misa iti kapitolyo probinsyal para kadagiti maibilang nga Ilocos 6 a nakabalud iti agdama iti holding area iti kongreso.
Ti nasao a misa ket inatendaran dagiti empleado iti kapitolyo probinsyal ken dadduma pay nga opisyal iti gobierno kas kadagiti kameng iti Sang Panlalawigan.
Naamoan a ti kangrunaan nga inkarkararag dagiti maseknan ket ti panagtalinaed a nasalun-at dagiti innem nga empleado ti gobierno bayat ti panagtalinaed da iti kongreso.
Malaksid iti naiyuswat a misa ket nagaramid pay ti surat dagiti empleado ken opisyal kas paset ti panangsuporta da iti Ilocos 6.
Karaman kadagiti insurat dagiti maseknan ket ti “No to abuse of power”, “may the truth shall prevail”, “Cong. Wake up release the Ilocos 6” ken dadduma pay.
Maipalagip nga addan 18 nga aldaw a nakapupuk dagiti innem nga empleado kalpasan a naipa-cite for contempt da gapu ta saan a nakontento dagiti kameng ti kongreso iti nagbalin a sungbat da seknan iti maibagbaga a misuse of funds ti probinsya.
