LAOAG CITY – Nasugatan ti ulo ken nagsagaba ti black-eye ti maysa a babai kalpasan nga inbaot ti asawa na ti bag nga ayan ti laptop iti Barangay 1, Vintar, Ilocos Norte.
Nabigbig ti biktima a ni Wilma Piñalver, agtawen ti 39 idinto a ti suspek nga asawa na ket ni Jaffer Piñalver, residente dagitoy iti nasao a barangay.
Segun ti report, nagriri dagiti agasawa kalpasan a naduktalan ni Wilma nga adda ti sabali a babai a kachachat ti asawa na.
Gapu iti daytoy, dinanug ni Jaffer ti rupa ti asawa na ken inbaot na pay ti bag nga ayan ti tablet, rason a nagsagaba daytoy ti black-eye ken dakkel a sugat iti ulo na.
Naitaray ti biktima iti Governor Roque Ablan Senior Memorial Hospital (GRASMH) ditoy ciudad ti Laoag para iti pannakaagas na.
Iti agdama, nagtalinaed iti kustodyar ti PNP iti ili ti Vintar ti suspek ken pursigido ti asawa na nga agpila ti reklamo kontra kenkuana.
Naamoan a nabartek ti suspek idi napasamak daytoy.
