LAOAG CITY – Nabigbig ti Miss Ilocos Norte 2025 a Best Pageant ditoy Pilipinas itay napalabas a tawen 2025 babaen ti Pageant Awards Philippines.
Mainaig iti daytoy, inbatad ni Gov. Cecilia Araneta Marcos a rumbeng laeng a marambakan daytoy a nagapoanan ti probinsia.
Segun kenkuana, maipagpannakkel daytoy a pammadayaw a nagun-od ti Ilocos Norte.
Kunana a ti nadakamat a naisangsangayan a balligi ket para kadagiti amin nga umili.
Inbatadna a kangrunaanna a pagyamanan ti napasnek a panagtrabaho dagiti adda iti likudan ti “production” dagiti agkakalasbang a babbalasang, dagiti komunidad a nangipaay ti suporta iti nasao a kompetision ken amin a naimpapusoan a nagtrabaho tapno agbalin daytoy nga aktibidad a nakallalagip.
Mangnamnama ni Gov. Marcos nga agtultuloy ti napintas a panagtitimpuyog ditoy probinsia a patienna a tulbek kadagiti amin a balligi a magungun-od ti probinsia.
