LAOAG CITY – Nakoronaan kas Miss Universe 2025 ti pambato ti Mexico a ni Fátima Bosch.
Inabak na ti 120 a kandidata manipud kadagiti nagduduma a pagilyan ken nakoronaan ni Bosch babaen kenni Miss Universe 2024 Victoria Theilvig manipud Denmark.
Naala met ti pambato ti Thailand a ni Praveenar Singh ti first runner-up, idinto a ni Vanessa Pulgarin iti Venezuela ti second runner-up, ken ni Ahtisa ti Third runner-up kasta met a ti fourth runner-up ket ni Olivia Yacé iti Côte d’Ivoire.
Kabayatanna, nangibati ti dakkel nga impact ti pambato ti Pilipinas iti Miss Universe 2025 a ni Ahtisa Manalo iti Q&A segment.
Iti umuna a saludsod, inbatad ni Manalo a kayat na ti agbalin nga imahe ti namnama kadagiti tattao, ken iti tawen na laeng a 10 ket rinugyan nan ti nakisalip kadagiti pageants tapno makaabasa ken matulungan na ti pamilya na.
Iti Final Q&A, kuna ni Manalo a kalikago na nga itultuloy ti pannakibinnulig iti Alon Akademie nga addaan ti gagem a tulungan dagiti agtutubo a Pilipino a maragpat dagiti arapaap da.
