LAOAG CITY – Bumisita ditoy Pilipinas ni Miss Universe Sheynnis Palacios.
Segun ken ni Miss Universe owner Anne Jakrajutatip a paset ti Asian Tour ti agdama a Miss Universe ti panagbisita daytoy iti Pilipinas.
Immunan a nagturong daytoy idiay Thailand, Laos, Cambodia ken China.
Saanna met a dinakamat no ania a petsa ti panagbisitana ditoy pagilian.
Adu ti nangibaga nga agatendar daytoy iti coronation night ti 2024 Miss Universe Philippines inton sumaruno a bulan.
Daytoyen ti maikatlo a gundaway a bumisita ditoy Pilipinas ti Miss Universe title holder nga immuna idi 2021 a ni Harnaaz Sandhu ken idi 2022 a ni Zozibini Tunzi a nangabak idi 2019.
