LAOAG CITY – Narekobre ti maysa nga MK2 fragmentation grenade iti maysa a maipatpatakder a pagtaengan iti Brgy. 23 ditoy siudad ti Laoag.
Basar iti report ti Laoag City Explosive Ordnance Dispoal (EOD)/Canine Unit, nadiskobre ti maysa a construction worker ti granada iti bunton ti darat a maus-usar iti konstruksyon.
Kabayatanna, naamoan nga adda pay laeng ti posibilidad a bumtak ti granada nu pay corroded daytoy wenno aglatlati.
Ti nasao nga MK2 fragmentation grenade ket maysa nga hand grenade a nausar idi World War II.
iti agdama, nagtalinaed iti kustodyar ti Laoag City Explosive Ordnance Dispoal (EOD)/Canine Unit ti nasao a granada para iti naan-anay a disposisyon.
