LAOAG CITY – Pormalen a nangipila ti reklamo iti National Bureau of Investigation (NBI) ni Mamamayang Liberal (ML) Party-list Rep. Leila de Lima kalpasan nga inraman isuna ti 18 nga “ex-marines” mainaig iti alegasion a maipagarup nga immawat daytoy ti cash kickbacks manipud kadagiti flood control projects.
Kinasoan met da De Lima ken 2025 Ramon Magsaysay Award awardee Fr. Flavie Villanueva ti cyber libel ni Atty. Levi Baligod.
Inpaganetget ni De Lima nga awan ti naawatna nga aniaman a kuarta manipud kadagiti nagpabigbig a dati a miembro ti Marines.
Kunana a ti addang a maar-aramid kontra kenkuana ket tapno dadaelen ti nagan ken reputasionna.
Nupay kasta, saanna nga itulek a maperdi ti kinataona isut gapuna a masapul a mapagsungbat dagitoy.
