LAOAG CITY – Balligi a nakastrek ti Team Falcons Philippines iti Mobile Legends Mid Season Cup kalpasan nga inabakda ti Team Falcons MENA 2-0 idiay Paris France.
Gapu iti daytoy, nakastrek ti koponan ti Pilipinas iti playoffs match ken isuda ti nagbalin a namnama ti pagilian kalpasan ti pannakatnag ti reigning champion a team Liquid Philippines iti ima ti team ti entity 7.
Gapu iti daytoy, addan ti tsansa ti Team Falcos Ph para iti redemption-da kontra iti Indonesian champion Team a Vitality iti knockout quarterfinals.
Maipalagip a saan nga inikkan ti tsansa ti MPL Indonesia Season 17 champion ti Team Falcons iti upper bracket semifinals a rason ti pannakatnag ti Pilipinas iti lower bracket ti torneo.
