LAOAG CITY – Umabot iti 1,000 a personnel ti i-deploy ti Metropolitan Manila Development Authority (MMDA) para iti Traslacion 2026 no sadinno a dagiti tauhan ti ahensia iti mangasistir ken tumulong iti panangimaton iti trapiko, public safety, emergency response ken clearing operations.
Nakasaganan dagiti usaren a tent ti Metropolitan Manila Development Authority para iti Road Emergency Group-da ken Public Safety Division para iti first-aid stations-da tapno mangasistir kadagiti agkasapulan ti tulong medikal.
Malaksid iti daytoy, imonitor met ti Metropolitan Manila Development Authority Command Center dagiti amin nga aktibidad iti mismo nga aldaw ti fiesta ti Jesus Nazareno.
Mainaig iti daytoy, agtultuloy ti maiwaywayat a clearing operations kadagiti ruta a pagdalyasatan iti Traslacion ken ti panagdalus kadagiti pagnaan ti prusision.
Inbatad ni Metropolitan Manila Development Authority General Manager Nicolas Torre III nga agtultuloy ti pannakikoordinar ti ahensiada iti lokal a gobierno ti Manila ken nagduduma nga ahensia ti gobierno tapno masigurado ti seguridad ken kinatalged dagiti makipaset a deboto.
