LAOAG CITY – Sagsaganaan a naimbag ti Metropolitan Manila Development Authority (MMDA) ti bilang dagiti deboto ti piyesta ti Poong Hesus Nazareno intono Huwebes, Enero 9 ita a tawen.
Segun ken ni Edward Gonzales, Metropolitan Manila Development Authority Head ti Road Emergency Group, nangiwaras ti liderato iti 1,000 a personnels karaman ditoy dagiti para iti clearing operations kadagiti kalsada a pagnaan ti Nazareno.
Kuna ni Gonzales a dagiti personnel da ti maiwaras manipod iti Quirino Grandstand, iti mismo a prusisyon agingga a makadanun ti Poon ng Nazareno iti uneg ti Quiapo Church.
Inlawlawag na nga agsisina ti komite a dinutukan ti Metropolitan Manila Development Authority iti kaaldawan ti prusisyon tapno masigurado ti kinatalged dagiti deboto pakairamanan ti taray ti trapiko kadagiti kalsada iti Maynila.
Innayon na nga adda dagiti napusgan para iti traffic enforcement ken uray dagiti possible a sangwen nga emergency iti mismo a traslacion a naiget a sagsaganaan ti Metropolitan Manila Development Authority.
Namnamaen a nangatngato ti bilang dagiti deboto nga agturong mangrugi intono Martes nga isu iti aldaw ti paagek agingga iti kaaldawan ti traslacion intono hwebes.
Kabayatanna, nagpalagip ni Gonzales kadagiti deboto a no mabalin dagiti adda rangkap ti bagina wenno adda ti uggorna nga ubbing ket agtalinaed da laengen iti uneg ti pagtaengan tapno masigurado ti kinatalged bayat ti pannakikaysa da iti piyesta ti Poong Hesus Nazareno.
