LAOAG CITY – Inpakaammo ni Dr Jose Orosa III, Chairman iti Office for Strategy Management Chief of Medical Professional Services iti Mariano Marcos Memorial Hospital and Medical Center nga adda iti presensiya ti Artificial Intelligence iti nasao nga ospital.
Kunana a ti Artificial Intelligence ket ususarenda tapno makatulong a mangpalagan ti trabahoda kas medical professional kasta met a makatulong a mangmonitor ti kondision dagiti pasiente.
Inpalgakna a pakaaplikaran ti Artificial Intelligence ket iti pannakamonitor ti temperatura iti maysa a pasiente.
Inbatadna a no nangatngato ngem 38.2 ti temperature ti patiente ket adda ti agsilaw a mangipakaammo kadakuada nga aggurigor ti maysa nga indibidual.
Inpakaammona a nangrugi ti panagusarda kadaytoy iti pananwen ti covid agingga ita a panawen.
Inbatad ni Orosa nga ususarenda ti Artificial Intelligence maipanggep iti bar coding kadagiti pasiente, pannakaipaay ti agas ken mangdeterminar no ana ti sagsagabaen a sakit ti maysa a pasiente uray saan a kitkitaen iti medical records na. Babaen kadagitoy a banag ket patienna a kabaelan ti ospital a makigeddan iti moderno ti teknolohiya ken mapalaka ti trabaho dagiti medical healthcares.
