LAOAG CITY – Sinertipikaran ti Department of Health ti Mariano Marcos Memorial Hospital and Medical Center iti ciudad ti Batac City kas COVID-19 Xpert Xpress SARS-COV 2 testing laboratory.
Babaen iti daytoy a sertipikasyon ket mabalin a mangisayangkat ti nasao nga ospital ti bukod a COVID-test.
Maipalagip a rinugianen ti probinsya iti strategic ken targeted testing kadagiti frontliners kangrunaan dagiti medical workers ken dagiti persons under quarantine babaen ti rapid test.
Kabayatanna, agpapan ita ket awan ti nairekord a kaso ti COVID-19 ditoy Ilocos Norte sipod idi naimaldit dagiti dua nga immuna a kumpirmado a pasyente idi Marso 31 ken na-recover dagitoy.
