LAOAG CITY – Nagun-od ti Mariano Marcos State University (MMSU) ti championship iti kalkalpas nga State College and Universities Athletic Association (SCUAA) idiay Vigan City iti daytoy nga aldaw.
Segun ti source ti Bombo Radyo Laoag, maysa nga estudyante ti MMSU ken varsity soccer player, overall champion ti MMSU iti SCUAA meet.
Kuna na nga umabot iti 349 a puntos ti nagun-od ti MMSU kas overall champion iti SCUAA 2017, idinto a first runner-up University of Northern Philippines a nakagun-od ti318 points.
Second runner-up ti Don Mariano Marcos State University iti La Union third runner-up ti Pangasinan State University, maikapat ti Ilocos Sur Polytechnic State College ken maikalima ti North Luzon Philippines State College.
Naamuan a maika-15 a diretso a nagun-od ti MMSU ti championship ti SCUAA meet 2017.
