LAOAG CITY – Maragsakan ni Dr. Shirley Agrupis, ti presidente ti Mariano Marcos State University (MMSU) iti panagbalin a Top 3 iti Pharmacist Licensure Examination ken Top 5 iti Bar Exmanitation.
Kageddan iti daytoy ket inpadanon ni Agrupis ti nabara a panangkablaaw na kadagiti amin nga abogado kangrunaan na kenni Top 12 a ni Atty. Jether Corpuz.
Segu kenni Agrupis, arig na saan a mailadawan dagiti amin nga empleado ken agad-adal iti unibersidad ti dua a dakkel a pammadayaw a nagun-od da.
Naamoan nga amin a nakapasa iti Pharmacist Licensure Examination ket iskolar ti gobierno.
Mainaig iti daytoy, kunana nga adda ti maiyuswat a motorcade kas pammabigbig kadagiti amin a nakapasa iti Pharmacist Licensure Examination ken Bar Exmanitation.
Kabayatanna, gutgutiguten met ni Dr. Agrupis dagiti amin a nakapasa nga agserbi da pay laeng kuma nga ummuna ditoy Ilocos Norte wenno ditoy Pilipinas tapno agbalin da pay nga inspirasyon kadagiti tattao.
