LAOAG CITY – Nangipatulod ti surat ti Mariano Marcos State University (MMSU) iti Commission on Higher Education – Region I kalpasan a naipadanon iti nasao nga opisina ti reklamo kontra kenni Dr James Zandro Ventura III.
Daytoy ti inpakaammo ni Dr Julius Manzano Jr., ti mangidadaulo iti Mariano Marcos State University.
Basar ken ni Manzano, nagsurat da iti Commission on Higher Education – Region I tapno sungbatan ti mensahe a naawat ti unibersidad idi Hunyo 10 ita a tawen manipod iti nasao nga opisina no sadinno nga agkidkiddaw ti kopya ti resulta ti preliminary investigation mainaig iti reklamo kontra ken ni Ventura.
Mainaig iti daytoy, maladingitan ti nasao ng unibersidad gapu ta saan da a kabaelan ti nakaipasa ti naan-anay a resulta ti imbestigasyon da iti kaso idi Hunyo 16 a naikeddeng nga aldaw a panangipasa da.
Kabayatanna, inikkan ti unibersidad ti 5 nga aldaw a nagpatingga idi kalman, Hunyo 19 a panangisumitir ti palawag ni Ventura kalpasan na ket agtataripnong ti investigation committee iti uneg ti 10 nga aldaw wenno agingga intono Hulyo 4 ita a tawen tapno kompletoen ti investigation report ken dagiti agbalin a rekomendasyon da iti kaso.
Innayon pay ti unibersidad nga apaman a maiparuk-at ti report ket maikabil daytoy iti opisina ti Office of the President no sadinno a maikkan ti presidente ti unibersidad agingg intono Hulyo 11 tapno determinaren no adda ti umno a pagibasaran tapno maipaayan ti formal charge ti maseknan a mangisursuro.
Maipalagip nga immununan nga inbatad ni Dr. Julius Manzano Jr., ti Presidente iti Mariano Marcos State University a kalikagom ti administrasyon na nga amwen ti kinapudno pakaseknan dagiti reklamo a maibatbato ken ni Dr. James Zandro Ventura III.
Kunana na a daytoy ti aramiden da tapno maamoan ti kinapudno, saan ketdi a kanunungan ti maseknan.
Nagpanawagan met ni Manzano iti publiko nga aguray laeng iti resulta ti imbestigasyon da gapu ta saan a kaskarina ti agimbestigar a kas met ti maar-aramid iti korte.
Nupay kasta, inpasigurado na nga awan ti mapasamak a bias treatment kabayatan ti proseso a kas napasamak iti kallabes a kaso pakaseknan iti maysa metlaeng a mangisursuro a dimmalan iti naikaipalaon ti protocol ti unibersidad.
Inbatad na a maysa a professor ti napatawanen ti pannusa babaen iti propesyonal a wagas ken awanan ti pre-disposition dagiti dadduma nga indibidwal
