LAOAG CITY – Nagun-od ti Mariano Marcos State University ti 98.73% passing rate iti November 2023 Nurse Licensure Examination no sadinno a naartapan na ti national success rate nga 80 percent.
Kadagupan kadagiti 157 a nageksamen manipod iti MMSU College of Health Sciences ket 155 dagiti nakapasa iti eksaminasyon.
Naamoan nga umabot ti 32,203 dagiti nageksamen iti November 2023 Nurse Licensure Examination ken 25,761 dagiti nakapasa.
Indanun a dagus ni President Shirley C. Agrupis ti nabara a pangablaaw na iti sibubukel a Mariano Marcos State University (MMSU) community.
