LAOAG CITY – Inbatad ni Dr. Shirley Agrupis, ti presidente iti Mariano Marcos State University iti siudad ti Batac a nakasagana ti unibersidad a mangiyuswat iti limited face-to-face classes.
Daytoy ket partikular kadagiti estudyante nga addaan ti kurso a mainaig iti medisina ken health sciences wenno dagiti naka-enroll iti College of Heath and Sciences ken iti College of Medicine.
Mainaig iti daytoy, kuna ni Agrupis a ti laeng kangrunaan a maisayangkat iti limited face-to-face class ket iti laboratory activies, pratical wenno para iti OJT dagiti estudyante.
Inlawlawag na a kaaduan met laeng a lectures ket maisyuwat iti onlilne.
Innayun ti presidente a 50% laeng iti kabuklan a kapasidad ti maysa a classrom ti maakomodar tapno mapagtalinaed ti social distancing ken adda ti schedule dagiti agad-adal.
Kabayatanna, inpakaamo ni Agrupis nga iti agdama ket manarimaan ti panangtratar ti unibersidad kadagiti dadduma a guidelines nga inpaulog ti Commision on Higher Education (CHED) para iti limited face-to-face classes.
Maipalagip nga inaprubaran ni Presidente Rodrigo Duterte yi rekomendsyon ni CHED Chairman Prospero De Vera III mainaig iti pannakaiyuswat ti limited face-to-face wenno physical classes kadagiti medical schools ken allied health science programs kadagiti pagadalan nga adda iti lugar nga adda iti babaen ti MGCQ ken GCQ ken addaan kadagiti ospital a mangtratratar kadagiti Covid-19 patients.
Immun-una met ngem iti daytoy, pinalubusan ti Inter-Agency Task Force (IATF) for the Management of Emerging Infectious Diseases ti University of the Philippines’ College of Medicine a mangisubli ti face-to-face clinical internship iti Philippine General Hospital.
