LAOAG CITY – Awan ti pakainaigan iti mapaspasamak a tension iti West Philippine Sea ti nagbaetan ti China ken Pilipinas ti maipatpatungpal a modernization program ti Armed Forces of the Philippines.
Daytoy ti inlawlawag ni Major General Ivan Parera, ti chief ti Armed Forces of the Philippines (AFP) Systems Engineering and Modernization Office.
Segun kenni Parera, agtultuloy ti ar-aramiden da a panagsanay ken pannakapabaro dagiti kagamitan da tapnon naan-anay da a nakasagana iti aniaman a mapasamak.
Inbatad na a daytoy ti trabaho da ken saan a mangipasimudaag iti panagsagsagana da para iti gubat.
Inpetteng na a daytoy ket wagas tapno mapapintas iti serbisyo para kadagiti tattao aglalo iti panangprotehir iti soberensya ti pagilian.
