LAOAG CITY – Ikonkonsiderar ti Monetary Board ti agnayon ti slots para iti digital banking licenses.
Segun ken ni Bangko Sentral ng Pilipinas (BSP) Chuchi Fonacier, ngumatngato ti demand dagiti mangayat nga agusar ti digital banking.
Kuna ti Bangko Sentral ng Pilipinas nga uray nakadesisyon da a lukatan laeng iti uppat nga aplikasyon para iti baro a digital banking license intono Enero 1, 2025 ket silulukat paylaeng ti Monetary Board a manayunan daytoy.
Ipabus-oy da laengen ti desisyon iti monetary board no manayunan ti digital banking licenses wenno saan.
