LAOAG CITY – Balligi ti pannakatiliw ti maibilang Most Wanted Person ditoy probinsya babaen ti Criminal Investigation and Detection Group nga indaulwan ni Police Major Romnick Subia.
Ti akusado ket agtawen ti 30, awanan ti asawa, tubo iti Barangay Balacad ditoy ciudad ti Laoag ken residente iti Barangay 1 San Isidro, Sto. Domingo, Albay.
Naarestar daytoy iti Brgy. Banao, Bacacay, Albay babaen iti nagtitipon a pwersa ti CIDG Ilocos Norte PFU (lead unit) together with CIDG Albay PFU ken Bacacay MPS.
Segun kenni Subia, ummunan a saan a madeterminar no sadinno ti ayan ti akusado ngem naduktalan da babaen iti tulong ti facebook account ti live-in partner na ken daytoy ket aglemlemmeng iiday Albay sipud pay idi 2013.
Ti warrant or arrest ket inparuk-at ni Judge Charles Aguilar iti Regional Trial Court, First Judicial Region, Branch 11, Laoag City gapo iti kaso a panagrames a napetsaan ti Enero 13, 2014.
Awan met ti nairekomendar a pyansa para iti temporary a pannakawaya-waya ti akusado.
Maipalagip a napasamak ti panagrames idi 2013 no sadinno ti biktima ket agtawen ti 12 ken kalpasan daytoy ket naglemmengen daytoy.
