LAOAG CITY – Balligi a naarestar dagiti otoridad ti maibilang kas Most Wanted Person a iti ili ti Badoc a sumangsango iti kaso a 3 counts of qualified theft.
Nabigbig ti akusado nga agtawen ti 30, awanan asawa, agpapaay kas fighting cock trainer, ken residente iti barangay Mabusag Sur iti nadakamat nga ili.
Naarestar ti Philippine National Police iti ili ti Badoc ti suspek babaen iti bileg ti Warrant of Arrest nga inparuk-at ni Hon. Josie Rudil, Presiding Judge iti Regional Trial Court ti National Capital Judicial Region ti Branch 2-93 idiay Malabon City.
Mainaig iti daytoy, sumangsango ti suspek iti 3 counts of qualified theft no sadinno narekomendaran daytoy ti bail bond money nga agbalor iti P90,000.
Kabayatanna, nagtalinaed ti suspek iti kustodiar iti Philippine National Police iti ili ti Badoc ken manamnama a maidatag iti korte a naggapuan ti warrant of arrest.
