LAOAG CITY – Nabirokanen ti motorsiklo a kukua ti family driver ti pamilya Ablan a maipagarup a natakaw iti mismo a balay ni dati a congressman Roquito “Roque” Ablan Jr.
Immuna iti daytoy, nagkamang ni John Phil-Thai Martin Marcos, agtawen ti 26, baro, residente iti Brgy. Ferdinand iti ili a Marcos, iti PNP Laoag gapu iti mapukpukaw a motorsiklo na.
Segun kenni P/Lt. Col. Amador Quiocho, nabirokan ti motorsiklo ni Marcos iti Brgy. 17 iti ili ti San Nicolas kalpasan nga intawag daytoy ti maysa a residente iti pulisya nasao nga ili.
Inbatad ni Quiocho nga awan pay dagiti mabigbig a suspek a nangitaray iti nadakamat a motorsiklo ken no ania iti rason a nangitarayan da iti daytoy.
Naamoan a saan nga asideg kadagiti pagtaengan iti nakaibatian ti nasao a motorsiklo.
