LAOAG CITY – Nagdinnungpar ti motorsiklo ken electric bicycle iti Brgy. Corocor iti ili ti Bacarra.
Nabigbig ti driver ti motorsiklo nga Honda TMX 125 nga agmaris ti nalabbaga a ni Jeffer Fiesta y Rarugal, agtawen ti 43, naasawaan ken ti kinalubbonna a ni Dominador Fiesta y Rarugal, agtawen ti 45, agpada a residente ti Brgy. Francisco iti ili ti Dingras.
Nabigbig met ti nangiturong ti E-bike nga addaan ti skeletal sidecar a ni Cynthia Lopez y Bacanik, agtawen ti 49, naasawaan ken residente ti Brgy. 32 Corocor iti ili ti Bacarra.
Basar iti Bacarra Municipal Police Station, kabayatan a dumaldalyasat ti nakamotorsiklo nga agturong nga agpa-abagatan ket kellaat a nag-U-turn ti E-bike.
Gapu iti daytoy, nagsagaba ti sugat iti nagduduma a paset ti bagi dagiti maseknan a nakalugan a dagus a naitaray iti Bacarra Rural Health Center para iti naan-anay a pannakatamingda.
