LAOAG CITY – Nagsinnapgud ti motorsiklo ken kurong-kurong iti Barangay Suyo iti ili ti Dingras.
Ti driver ti nangiturong ti motorsiklo a Yamaha Aerox ket agtawen ti 29 ken residente ti Barangay Peralta iti ili ti Dingras idinto a ti driver ti kurong-kurong ken ti kaduana ket agpada nga adda iti umno a tawen ken residente dagitoy iti Barangay Lanas iti nasao nga ili.
Basar iti Dingras Municipal Police Station, kabayatan a dumaldalyasat ti kurong-kurong nga agpa-daya ket kellaat lattan a nasapgud daytoy ti nakamotorsiklo nga agturong met iti kapada a direksion.
Gapu iti daytoy, nagsagaba ti sugat iti nagduduma a paset ti bagi ti nakamotorsiklo kasta pay dagiti nakalugan iti kurong-kurong.
Naammoan nga agpapada a saan met a nabartek dagiti maseknan idi napasamak ti disgrasia.
Iti agdama, nagtalinaed iti balay-pagagasan ti nakamotorsiklo para iti naan-anay a pannakatamingna.
