LAOAG CITY – Nagdinnungpar ti maysa a motorsiklo ken SUV iti Brgy. 55A Barit ditoy siudad ti Laoag.
Ti driver ti Yamaha Aerox 155 ket agtawen ti 39 ken residente ti Brgy. 55A Barit ditoy siudad ti Laoag idinto a ti nangiturong ti SUV a Toyota Fortuner a Model 2021 ket agtawen ti 23 ken ti kaduana nga agtawen ti 69 nga agpada a residente ti Brgy. 29 Sto Tomas ditoy siudad ti Laoag.
Basar iti Laoag City Police Station, kabayatan a dumaldalyasat ti nakamotorsiklo nga agpa-abagatan ket kellaat a nag-left turn ti SUV nga agturong met nga agpa-amianan a nangitunda ti panagdinnungparda.
Gapu iti daytoy, nagsagaba ti sugat ti nakamotorsiklo iti nagduduma a paset ti bagina a dagus a naitaray iti Gov. Roque B. Ablan Sr. Memorial Hospital para iti naan-anay a pannakatamingna.
