LAOAG CITY – Nagdinnungpar ti motorsiklo ken tricycle-for hire iti Bgry. 1 San Joaquin iti ili ti Sarrat
Mainaig iti daytoy, naammoan nga adda ti pasahero ti trysikel bayat nga nga estudiante ti nagmaneho ti motorsiklo.
Basar iti inisial nga imbestigasion ti Philippine National Police iti ili ti Sarrat, rumrummuar nga agpapalaud ti tricycle bayat nga agpapadaya ti motorsiklo no sadinno dumalyasat ti tricycle manipud iti abagatan ti kalsada nga agturong iti amianan tapnu mangala ti pasahero nga agturong ditoy siudad ti Laoag idinto a sumungsungad ti nakamotorsiklo rason ti pannakadinnungparda.
Mainaig iti daytoy, dagos a nagresponde dagiti otoridad iti napasamak nga insidente ken naitaray iti balay pagagasan dagiti biktima para iti naan-anay a pannakatamingda.
Kabayatanna, nakamonitor dagiti otoridad iti nagmaneho iti motorsiklo gapu iti sinagabana a sugat iti nagduduma a paset ti bagina nangruna iti ulona.
