LAOAG CITY – Nagdinnungpar ti maysa motorsiklo ken tricycle iti paset ti intersection ti bypass road, corner Lapaz road bisinidad ti Barangay Sta. Maria ditoy ciudad ti Laoag.
Nabigbig ti driver ti tricycle a ni Crisanto Basilio, residente iti Barangay 50, Buttong ditoy ciudad ti Laoag ken ti nanmgiturong ti motorsiklo ket ni Rona tayamen, agtawen ti 53 ken residente iti Barangay Lapaz ditoy ciudad ti Laoag.
Basar ti nimbestigasyon ti PNP-Laoag, agpaabagatan a direksyon ni Basilio idi nakadinnungpar na ni Tayamen nga agpalaud met a direksyon.
Gapo iti daytoy, nagsagaba ti sugat iti nagduduma a paset ti bagi na ni Tayamen idinto a ni Basilio ket na-fracrure ti saka na.
