LAOAG CITY – Saan pay a masinunuo no mano amin ti gatad dagiti nauram iti uneg ti kubo-kubo ti Barangay Kagawad Rodel Gudoy idiay Barangay 49-A, Darayday ditoy ciaudad ti Laoag.
Naamoan nga agtultuloy pay laeng ti imbestigasyon dagiti kameng ti BFP-Laoag seknan iti napasamak nga uram.
Maipalagip a basar ti inisyal nga imbestigasyon ti BFP-Laoag ket ti nagrisak a waya iti street light a kumamang iti kubo-kubo ti namunganayan ti uram.
Daytoy ket gapo ta maipagarop a ti apoy ket nagtennag iti kubo-kubo a nagyanan dagiti dua nga amplifier, speajer, electric fan, telebisyon ken sinaksako nga hybrid nga irik ken mais.
Malaksid kadagiti nasao a nauram ket nairaman pay ti maysa a motorsiklo nga adda iti asideg ti kubo-kubo.
