LAOAG CITY – Naminpinsan a nauram ti maysa a motorsiklo iti paset ti Barangay Araniw ditoy ciudad ti Laoag.
Nabigbig ti agtagikua ti motorsiklo a ni Mr. Richard Gaspar, taga Barangay 2 ditoy ciudad.
Segun ken ni Gaspar iti Barangay Araniw, nakita dagiti nakasabat na a maur-uram ti compartment ti lugan na.
Gapu iti daytoy, inyalisto na nga inpan ti motorsiklo na iti adayo iti balbalay ket ditoyen a gimmil-ayab ti nasao a behikulo.
Dagus met a napan nagresponde dagiti kameng ti Bureau of Fire Protection (BFP) kalpasan a naamoan da ti napasamak.
Naamoan nga adda koma ti mapan alaen a tulbek ni Ramos iti am-ammo na iti nadakamat a barangay idi napasamak ti insidente.
Karaman a nauram ket dagiti kagamitan ni Ramos kas ti papeles ti motorsiklo na ket lisensya na.
Kabayatanna, inbatad ni SFO1 Mark Anthony Ponce, kameng ti BFP ditoy ciudad, iti imbestigasyon da ket naduktalan a ti wirings ket naibatog iti linya ti gasolina a possible nga isu ti nangitunda ti pannakauram ti nasao a behikulo.
Malaksid iti daytoy, mabalin a ti pay nakauraman ti motorsiklo ket ti kinabayag na gapu ta addan 12 a tawen na daytoy.
