LAOAG CITY – Nagkamang iti PNP Laoag ti driver ti pamilya Ablan kalpasan a natakaw iti nakaparada a motorsiklo na iti mismo a pagtaengan da Sangguniang Panlungsod Member Rbee Ablan iti Brgy. 8 ditoy ciudad ti Laoag.
Nabigbig daytoy a ni John Phil-Thai Martin Marcos, agtawen ti 26, awanan asawa, ken residente iti Brgy. Ferdinand iti ili a Marcos.
Basar iti report, nakita ti biktima a nakalukat ti gate ti pagtaengan da Ablan ket dita a naduktalan na a mapukpukawen ti motor na a Yamaha Mio 125 nga agmaris ti magenta ken puraw nga addaan ti conduction sticker 0101-0000-613673 no sadinno a ti nakarehisto iti nagan a Basilio Cacat Refamonte Jr.
Mainaig iti daytoy, agtultuloy iti imbestigasyon dagiti otoridad ken kitaen da dagiti CCTV camera iti asideg ti nakapasamakan ti panagitaray.