LAOAG CITY – Nakasagana ti maysa a motorcycle company nga usaren ti bukod na a teknolohiya tapno matulungan ti Philippine National Police (PNP) a mangtiliw kadagiti riders a manglablabsing iti linteg.
Segun ken ni Move It General Manager Wayne Jacinto, saan nga iwalin ti kompanya da ti posibilidad a maserrek ti Move It dagiti managdakdakes nga indibidwal wenno usaren dagitoy ti uniporme da tapno mailemmeng da ti panagaramid da ti krimen.
Inrakurak daytoy ti Move It kalpasan ti pannakatiliw ti maysa a rider a maipagarop nga adda ti pannakainaig na iti napasamak a panagholdup idiay San Juan City iti kallabes.
Inpasigurado ni Jacinto iti publiko a no pudno a mairaman ti Move It riders ket agbalin da a transparent para iti daytoy ken usaren da ti teknolohiya da tapno ma-trace ti guilty parties ken mapagsungbat dagitoy iti nagbasolan da.
