LAOAG CITY – Naragsakan ni Mr. Hasler Garalde ti Environment and Natural Resources Office kalpasan a saan a naapektaran ti coffee plantation idiay Pagudpud iti isasaplit ti bagyo ompong ditoy probinsia.
Mamati a nakapasayaat pay ti tudo a ginubuay ti bagyo gapu ta babassit pay dagiti naimula a kape.
Mainaig iti daytoy, imbatadna a dakkel a makatulong daytoy iti kalikagum ni Senior Sang. Panlalawigan Member Matthew Joseph Marcos Manotoc a maipadur-as ti industriya ti kape ditoy probinsia.
Inlawlawagna a malaksid iti kape ket nakapasayaat pay ti tudo kadagiti naimula a napatubo a kayo kadagiti kabanbantayan iti nadumaduma a paset ti probinsia.
Mainaig iti daytoy, inpakaammo ni Garalde a manamnama a maituloy manen ti panagmula da kadagiti kabanbantayan iti nadumaduma a lugar kadagiti masungsungad nga aldaw.
