LAOAG CITY – Patyen ni Mrs. Madelyn Asuncion iti Barangay Cangrunaan idiay ciudad ti Batac ti maipagarop a nangala kadagiti dua a cellphone iti uneg ti balay da ket ti naala iti CCTV a lalaki.
Segun kenni Asuncion, basar iti CCTV ket lalaki a nakasuot ti red a t-shirt ken black a bag ken nalukmeg daytoy.
Ummuna iti daytoy, kuna na nga idi adda isuna iti dirty kitchen da ket adda ti nakita na a lalaki a nagna iti abagatan a paset ti balay ti karruba da.
Kunana a saan a timmalyaw ti lalaki iti ayan na ken saan na nga inpagarop a kadayta a gundaway ket napukaw met dagiti dua a cellphone.
Inlawlawag na nga idi simrek iti balay da ket naduktalan na nga awanen dagiti dua a gadgets nagsaludsod iti ina na, ken nakumpirmaran na nga adda ti simrek a nakabado ti red a lalaki ken innala na dagiti cellphone a nakaparabaw iti tugaw ti salas.
Mainaig iti daytoy, kunana a saan da a mailasin ti rupa ti lalaki gapo ta saan a nalawag ti ala ti CCTV ti karruba da a pasdek.
Kabayatanna, kunana nga idi tinawagan da ti number ti cellphone ket simmungbat ti lalaki ken indiya da nga ikkan da daytoy ti kwarta ngem saan a naguni.
Rumrumwar pay a ti laeng sungbat ti lalaki ket “OK lang” kalpasan a binallaagan da a naala isuna iti CCTV.
