LAOAG CITY – Naglikudan ni Ms. Pearlie Santiago Lorenzo, residente iti Brgy. 48-A Cabungaan ditoy siudad ti Laoag nga agdama nga agnanaed iti pagilian nga Hawaii a saanda nga inlanglangi ni Brgy. Chairwoman Marilyn Resquir.
Daytoy ket kalpasan iti nagbalin a sungbat ni Brgy. Chairwoman Resquir a maipagarup a mailanglangi.
Inpettegna a sinungbatan na laeng dagiti komento ti anak ti Brgy. Chairwoman a ni Kenneth Resquir a maipagarop nga imununna a nangdiskriminar kadakuada.
Mainaig ti daytoy, kinuna ni Lorenzo a saan a naipakaammo kenkuana ti plano a mangikabil da iti sliding door iti maaramid nga alad iti barangay hall, a nairanta a pagturungan iti pagtaenganda.
Kabayatanna, awan ti kasuratan wenno deed of donation a naaramid babaen iti ama na ken ti dati nga opisial ti barangayda.
Maipalagip nga immunan nga inbaga ni Resquir a plano da kuma a mangipan iti sliding door nga agturong iti pagtaenganda Lorezno a naibaga iti ipag na ngem saan daytoy a naipadanon kenkuana.
