LAOAG CITY – Naisubli iti 150 a pisos manipod iti sangaribo a pisos ti multa dagiti aglabsing ti linteg trapiko ditoy ciudad ti Laoag.
Daytoy ket kalpasan nga inaprubaran ti konseho ditoy ciudad ti pannaka-amendar ti ordinansa para iti pannakaisubli iti 150 a pisos ti multa dagiti aglabsing iti linteg trapiko.
Inbatad ni Vice Mayor Vicentito Lazo a ti nasao nga addang ket isu ti kiddaw ken kayat dagiti tricycle driver a nagatendar iti public hearing a naiwayat iti kallabes.
Innayon na a no kabaelan ti ciudad ti Batac nga iyimplementar ti 150 a pisos a multa dagiti aglabsing iti linteg trapiko ket kaya met nga ipatungpal ditoy ciudad ti Laoag.
