LAOAG CITY – Trinatar dagiti kameng ti Sang panlalawigan kabayatan ti regular session da dagiti regulasyon ken probisyon ti nailungalong a sewage and septage management ditoy probinsya.
Karaman a natratar ket ti multa a maipataw kadagiti saan a sumurot iti paglintegan.
Segun ken ni Sang panlalawigan member Atty. Davinci Crisostomo, ti multa ti residential ket 1,500 idinto a no 2nd offense ket 3 ribo a pisos ken ti 3rd offense ket 5 ribo a pisos ken adda ti maited a notice of violation kadagiti maseknan.
Sabali met ti multa dagiti adda ti negosyo na a ti 1st offense ket 4 a ribo a pisos, 2nd offense 5 ribo a pisos ken maikkan ti notice of violation ken ti 3rd offense ket 5 ribo a pisos ken maiserbian ti cease and desist order (CDO) manipod iti opisina ni Governor Matthew Marcos-Manotoc.
