LAOAG CITY – aiget a maad-adal ti pannakaipangato ti multa dagiti agsalungasing iti linteg a “no parking” ditoy siudad ti Laoag.
Segun kenni Mr. Anthony Agcaoili, focal person ti road clearing operation team ditoy siudad, umabot ti 300 a pisos agingga ti 500 a pisos ti possible a multa dagiti agsalungasing iti nasao a paglintegan.
Kuna na a gagem daytoy ket tapno mapabutngan dagiti maseknan ken saan da nga uliten ti agparking kadagiti no parking areas.
Immunan nga adda ti napasamak a panamagsasao ti maysa a driver ti kotse kontra iti maysa a traffic aide ditoy siudad ken intarayan na pay daytoy bayat nga adda iti sango ti dakkel a pasdek negosyo.
Mainaig iti daytoy, kalikagum pay ni Sangguniang Panlungsod Member Edison Bonoan, chairman ti committee on land and trransportation ti pannakaingato ti multa ti no parking ken naiget ti panangadal da daytoy ken iti pannakaipatungpal na.
Naamuan nga adu dagiti saan a mangikan-kano ti agdama a balur ti multa a 150 a pisos gapu ta nababa daytoy.
