LAOAG CITY – Inpasigurado ni Senate President Francis “Chiz” Escudero a saludsuden dagiti Senador dagiti maseknan nga ahensia ti gobierno no ania ti napasamak iti multi-bilyon a pundo para kadagiti flood control projects.
Kunana nga ilawlawag iti deliberasion ti pundo ti Department of Public Works and Highways, Department of Environment and Natural Resources, Department of the Interior and Local Government, Department of Social Welfare and Development, Department of National Defense ken Office of the Civil Defense.
Naammoan a maituloy ti budget deliberations inton Nobiembre 4.
Immunan nga inbatad ni Escudero a dumanon iti P255 a bilyon ti nailatang para iti flood control projects ti Department of Public Works and Highways iti P5.768-trillion national budget para iti 2024.
Kuna met ni Sen. Joel Villanueva a ti pundo ti Department of Public Works and Highways, P31.9 bilyon ti naiyalokar para iti flood control ti Bicol Region.
