LAOAG CITY – Temporaryo a napaserraan ti Municipal Health Office iti ili ti Bacarra kalpasan nga adda ti maysa nga empleado a nagpositibo iti covid-19.
Daytoy ti inpakammo ni Mrs. Mary Joyce Mendoza, ti municipal disaster risk reduction management officer iti nasao nga ili.
Gapu iti daytoy, inpakammo na a dagiti agkasapulan ti medical clearane certificate ken dadduma pay a dokumento ket mabalin nga agturong iti MHO Pasuquin wenno MHO Vintar.
Kabayatanna, nagpalagip ni Mendoza iti kanayun a panangsurot kadagiti health protocols tapno maliklikan ti panagwaras ti covid-19.
Immuna iti daytoy, inpakammo ni Mendoza nga agdepende iti resulta ti swab test dagiti dadduma nga empleado ti MHO Bacarra ti pannakaisubli ti operasyon ti nasao nga opisina.
